یوم تاسیس ایک ایسا دن ہے جسے ہر ادارہ، جماعت یا تحریک اپنے قیام کی یادگار کے طور پر مناتی ہے۔ یہ دن نہ صرف ماضی کی کامیابیوں کو یاد کرنے کا موقع ہوتا ہے بلکہ آئندہ کے لیے نئے عزم و ارادے کی تجدید کا دن بھی ہوتا ہے۔ 11 جنوری 2025 کو جب عظیم قافلہ 24 یوم تاسیس مناتا ہے، تو یہ دن نوجوانوں کی محنت، قربانیوں اور ان کے عزم و حوصلے کی داستان سنانے کا دن ہوتا ہے۔
ماضی کے دریچوں میں جھانکیں تو ہم دیکھتے ہیں کہ ہر دور میں نوجوانوں نے اپنی جرات، ہمت اور عزم کے ساتھ مشکلات کا مقابلہ کیا اور اپنی قوم و ملت کی خدمت کی۔ ان نوجوانوں نے اپنی جانوں کا نذرانہ پیش کر کے، خون سے تاریخ کی صفحات کو رنگا اور دکھایا کہ وہ کسی بھی حال میں اپنے اصولوں سے پیچھے نہیں ہٹیں گے۔
یوم تاسیس کی اس مبارک موقع پر جب ہم اپنے بزرگوں کی قربانیوں کو یاد کرتے ہیں تو ہمارے دل میں ایک نیا جذبہ، ایک نئی آگ اور ایک نیا عزم پیدا ہوتا ہے۔ یہ وہ دن ہے جب ہم یہ عہد کرتے ہیں کہ ہم نہ صرف اپنے نبیﷺ سے وفا کریں گے بلکہ ان کے صحابہؓ کے نقش قدم پر چلتے ہوئے اپنی زندگی گزاریں گے۔
اس دن کو منانے کا مقصد صرف ماضی کو یاد کرنا نہیں، بلکہ اپنے آج اور کل کو بہتر بنانا بھی ہے۔ یہ دن ہمیں یہ سبق دیتا ہے کہ ہمیں مسلسل جدوجہد اور عزم سے اپنے مقصد کی طرف بڑھنا ہے۔ ہر دور میں یہ نوجوان ہی تھے جنہوں نے قوموں کی تقدیر بدلی، ان کی رہنمائی کی اور انہیں کامیابی کی راہ پر گامزن کیا۔
“ہم نے ہر دور میں چھڑکا ہے صلیبوں پہ لہو اپنا” یہ الفاظ نوجوانوں کی قربانی اور بہادری کو بیان کرتے ہیں۔ یہ وہ لوگ ہیں جنہوں نے اپنے ایمان اور اصولوں پر کبھی سمجھوتہ نہیں کیا، اور ہمیشہ سچائی اور عدل کی راہ پر چلتے ہوئے تاریخ کو نیا رنگ دیا۔ ان کی داستانیں آج بھی ہمارے دلوں میں زندہ ہیں اور ہم ان سے سیکھ کر اپنے عزم کو مزید پختہ کرتے ہیں۔
یوم تاسیس ایک یاد دہانی ہے کہ ہم نے جو بھی مقصد طے کیا ہے، اس پر پورا اترنا ہے۔ ہم نے ہمیشہ تاریخ میں سرفراز ہونے کے لیے جو قربانیاں دی ہیں، وہ ہمیں آج بھی طاقت دیتی ہیں۔ ہمیں اپنے کردار اور عمل سے دنیا کے سامنے اپنی حقیقت ثابت کرنی ہے، تاکہ ہمیں یہ کہنا نہ پڑے کہ “کون کہتا ہے ہم صاحب کردار نہیں۔”
یوم تاسیس صرف ایک دن نہیں، بلکہ ایک عزم کا نام ہے، جس کا مقصد اپنی تاریخ کو نہ صرف یاد رکھنا بلکہ اسے زندہ رکھنا ہے۔ اس دن کو منانے کا اصل مقصد یہ ہے کہ ہم اپنے ماضی کے عظیم افراد کی قربانیوں کو نہ صرف یاد کریں بلکہ ان کے نقش قدم پر چلتے ہوئے اپنے ملک، اپنی قوم اور اپنی ملت کی خدمت کریں۔
آج کے دن ہم یہ عہد کرتے ہیں کہ ہم کبھی بھی اپنے اصولوں سے پیچھے نہیں ہٹیں گے، ہم اپنے نبیﷺ اور صحابہؓ کے راستے پر چلتے ہوئے اپنی زندگی کا مقصد پورا کریں گے اور کسی بھی صورت میں اپنی جدوجہد کو نہیں چھوڑیں گے۔ یہ دن ہمیں یاد دلاتا ہے کہ ہم سب کا عزم مضبوط ہے، اور ہم ہر چیلنج کا سامنا کرنے کے لیے تیار ہیں۔
