اختلاف اور امت کا المیہ/تحریر/محمد عثمان کھوکھر

اردو کے ذخیرہ الفاظ میں سے ایک لفظ اختلاف
آپ نے سن اور پڑھ رکھا ہوگا قارئین اختلاف کسے کہتے ہیں آپ سب سوچیں گے یہ کونسا مشکل ہے سب جانتے ہیں اختلاف سے مراد مختلف رائے یا کسی بھی معاملے میں الگ الگ سوچ عمل یا فعل کا نام اختلاف ہے مجھے اس تعریف پر کوئی اعتراض نہیں
لیکن میں چاہتا ہوں پانچ حروف سے مل کر بننے والا عربی زبان کے لفظ قبیلوں سے تعلق رکھنے والا لفظ آخ ت لاف مزاج کے لحاظ سے کیسا ہے ؟
کوئی شک نہیں لفظ اپنے قبیلے رکھتے ہیں جیسے سماج میں رہنے اور بسنے والے افراد اپنے قوم اور قبیلے رکھتے ہیں
ہر قبیلے اور قوم کی اپنی الگ تہذیب اور تمدن ہے ، عادات اور مزاج ہیں عین ایسے ہی لفظ قبیلوں کے اپنے اپنے مزاج ہیں ۔۔۔ ۔۔۔۔۔۔
کچھ لفظ محبت قبیلوں سے تعلق رکھتے ہیں اور کچھ نفرت قبیلوں سے کچھ نرم مزاج قبیلے ہیں اور کچھ غصیلے ۔۔ ۔۔۔۔۔۔۔۔ ۔۔۔۔۔۔
قارئین ہم لفظ اختلاف کی بات کر رہے ہیں ، مجھے معلوم نہیں یہ لفظ کس قبیلے سے تعلق رکھتا ہے
البتہ میں آپکو اسکے مزاج کے بارے میں بتا سکتا ہوں اور اسکا مزاج اور رویہ بڑا عجیب ہے ۔۔۔۔۔ ۔۔۔۔۔۔۔۔
یہ جس سماج اور معاشرے میں اعتدال اور مکالمے کی صورت میں ظاہر ہو وہاں تحقیق سوچ اور نئے شعور کو جنم دیتا ہے
اس کے ظاہر اور باطن سے فقر اور تفکر کے صوتے پھوٹتے ہیں جیسے پہاڑ کی چوٹی سے
صاف شفاف چشمہ ابل پڑے ۔۔۔ ۔۔۔۔۔۔۔
اور پھر جھرنوں کی صورت میں گرتے موسیقی پیدا کرتے
فضاء اور ماحول کو معطر کرتے ایک چشموں سے کئی چشموں کو جنم سیدھا گھومتا اپنے لیے راستہ بناتے
وہی جس کا آغاز ایک قطرے سے ہوا تھا پھر قطرہ قطرہ ملتا ملاتا اجتماعیت کی صورت میں قلزم کی منزل پا لیتا ہے ۔۔ ۔۔۔۔۔۔۔۔۔۔۔۔
قارئین ایک بات تو طے ہے کہ لفظ اختلاف کا تعلق سوچ قبیلے سے ہے ، تو لازم ہے کہ اسکے مزاج میں وسعت اور برداشت کی صفتیں پائی جائیں ۔۔۔ ۔۔۔۔۔۔۔
لیکن جس سماج اور معاشرے میں لفظ اختلاف بحث کی صورت میں ظاہر ہو وہاں تحقیق اور سوچ کو نگل جاتا ہے
اس کے مزاج کی عجیب صفتیں ظاہر ہونے لگتیں ہیں ، یہ سواد اعظم کے فکری اجتماعی نظریات کو پارہ پارہ کرتا ناموافقت کی فضاء پیدا کرتا اختلاف در اختلاف کو جنم دیتا
فرق و تفاوت کو قوت بخشتا عداوت بگاڑ دشمنی ان بن ضد ہٹ تعصب خرافات کو ہوا دیتا بحث برائے بحث جیسی موذی مرض کیطرح سماج قوم اور معاشرے کو اپنی لپیٹ میں لے لیتا ہے ۔۔ ۔۔۔۔۔۔
عالم اسلام اور بالخصوص پاکستانی کمیونٹی میں لفظ اختلاف محرم اور ربیع الاول
میں اپنی موذی مرض بحث کے ساتھ ۔۔ ۔۔۔۔۔۔۔۔
ہر شعبہ زندگی کو جکڑ لیتا ہے ، اور اجتماعیت کو یوں ریزہ ریزہ کرتا ہے جیسے کوئی دیوانہ اپنے کپڑوں کو پھاڑنے لگے
کوئی ہوش مند مکالمے یا تحقیق کی ازان دینا بھی چاہے تو اسے گریبان سے پکڑ کر بیچ چوراہے کفر کے فتووں اور تمغوں سے نوازا جاتا ہے ۔۔۔ ۔۔۔۔۔
ایسے میں کون ہے جو جرات کرے کون ہے جو مکالمے کی فضاء کے لیے تگ و دو کرے
سب کو بحث نے جکڑ لیا ہے
قارئین کرام بحث اور بحث برائے بحث ضد تعصب کی راہ ہے جس پر خرافات کے سواء کچھ نہیں اور خرافات گمراہی نہیں تو اور کیا ہے
آج 12 ربیع الاول ہے چراغ روشن اور بتیاں جل رہی ہیں اور کہیں جھنڈیاں لگی ہوئی ہیں ۔۔۔ ۔۔۔۔۔
ڈی جے آواز بڑھا رہا ہے گانوں کی مثل جیسی نعتیں سب اچھل رہے ہیں پگڑیاں اچھل رہی ہیں عمامے اچھل رہے ہیں داڑھیاں ہل رہی ہیں
اور مکالمہ مزاج فکری اختلاف تخیل کے صورت میں چودہ سو سال پہلے کے منظروں کا ناظر بن گیا ہے
بکہ کی سر زمین ہے ۔۔۔۔۔۔۔اس دن کون تھا جو خوش نہ تھا ۔۔۔
خوشی دیدنی ۔۔۔۔۔۔
اطلاع دینے والے
انعام و اکرام میں لدے گھروں کو بھاگ رہے ھیں۔۔۔
چچا تو مسرت میں غلام ہی آزاد کیئے جا رہا ھے ،۔۔
اہل قریش قطار در قطار عبداللہ کے عکس کو نقش در نقش کئیے جا رہے ھیں ۔۔۔۔
اور دیکھیے آمنہ بنت وہب
پاکباز بیوہ “چہرہ محمد” پہ نظریں جمائے ۔۔۔۔۔۔۔۔۔
خیال ہی خیال میں۔۔۔۔۔مرقد عبداللہ
تک پہنچ گئی ہوں گی ۔۔۔۔۔۔دیکھو۔۔۔۔عبداللہ کون ھے ۔۔۔۔۔۔۔۔۔دنیا کیا جانے ،
پاکباز بیوہ کیلئے مرقد شوہر کیا ھے
غم ہو کہ سکھ محور وہی مرقد ،۔۔۔۔مگر آج سکھ ہی سکھ ھے ،۔۔۔۔۔۔۔۔۔۔۔۔
احمد ،کوئی محمد پکارتے ہوئے بلاء رہا ھے ۔۔۔
پیار ایسا کہ دارالندوہ،
جہاں چالیس سال سے کم عمر جا نہیں سکتا عبدالمطلب وہاں ساتھ لئیے جاتے ھیں ۔۔۔۔۔
کیا ابو لہب ،جمیلہ ،اور ابو الحکم سب کے سب پیار لٹا رہے ھیں ۔۔۔۔۔۔۔۔
کوئی حمزہ سا جوان تلوار سے آشنائی کروا رہا ھے تو کوئی عباس سا ماہر معشیت گر بتا رہا ھے ۔۔۔۔۔۔۔۔دن گذرتے گئے ،سائے اٹھتے گئے۔۔۔۔۔۔۔
بچپن سے جوانی ۔۔۔۔۔۔شباب ۔۔۔۔۔۔۔۔۔۔۔
جوانی قابل دید اور شباب شرافت کا نکھار ۔۔۔۔۔۔۔
معاشرتی اوصاف ایسے کہ ،
دیکھنے والی ناقد آنکھیں بھی صادق اور امین کی گواہی دیتے چمک پڑتیں۔۔۔۔۔۔۔۔۔۔۔۔۔۔۔
ایک نہیں کئی بار ہوا ،۔۔۔۔۔۔۔۔۔۔۔۔۔۔۔۔۔۔۔سہیل ،عتبہ ،شیبہ ،ربیعہ ابولہب کیا
ابو الحکم جیسے بھی کہتے ،
پیارے کیا کہتے ہو اس امر میں وللہ رائے تو آپکی ہوگی”
اشرافیہ تعلق جوڑنے کو بےتاب۔۔۔۔۔۔۔حسب و نسب کے بلیغ خطبوں میں۔
شفقت و پیار کی دعائیں ۔۔۔۔۔۔۔۔
سب دے رہے ھیں،خدیجہ کو ،محمدکو ۔۔۔۔
ابو طالب ،الو لہب ابوالحکم ،۔۔۔۔۔۔۔۔۔۔
اور اب 40 سال گذر گئے ہیں ،محبتیں بانٹتے ،سمیٹتے ۔۔۔۔۔۔۔۔۔۔۔۔۔۔۔
غلہ بانی کرتے ہوئے جہاں بانی کرنی ھے ۔۔۔۔کفر و شرک اور دم توڑتی انسانیت کو سہارا دینا ھے ۔۔۔۔۔۔
ہبل ،لات منات اور عزی کے دیوانوں کو پیغام توحید سنانا ھے ۔۔۔۔۔۔۔۔۔۔۔۔ کوہ حرا کا پیغام اب عام کرنا ھے ۔۔۔
لاالہ الاللہ کے پیغام کی ،
پہلی نشست اپنے گھر اپنے عزیزوں
کو دعوت دیتے سنائی ،۔۔۔۔۔۔۔۔۔۔۔۔۔۔۔۔۔۔
سب سے پہلے،وہی میلاد پہ غلام آزاد کرنے والا چچا اٹھا۔۔۔۔۔
کہا اور جو کہہ سکا کہہ ڈالا ۔۔۔۔۔۔ پھر سب چلے گئے۔۔
آنے والے دن کو پھر بلایا ،سب آئے۔۔۔
بولے ہی تھے ،۔۔۔
پھر وہی چچا اٹھا لیکن کچھ کہتا۔۔۔
آپ کہہ چکے تھے،۔۔پیغام میں مدد چاہی ،خاموش ھیں سب ،دیکھ رہے ھیں۔۔۔
ابوطالب موجود،لہب۔۔۔سب شراکت دار سانجھی حیران غصے میں۔۔۔۔۔۔۔
میلاد منانے والے ، پیغام پہ خاموش ھیں۔۔۔
علی اٹھے ،ہاتھ پکڑا ۔۔۔۔۔۔۔
عجیب معاملہ ھے میلاد کے سب موجودوں سے غیر موجود نکھر گیا ھے۔۔۔
شفقت کا ہاتھ رکھا ،کہا علی کی مانو۔۔۔۔۔۔
حزن کا سرمایہ اکٹھا کرنے والا،
ابو لہب عجیب نظروں سے دیکھتے ہوئے ابوطالب کو کہنے لگا ،
ہاہاہا اب باپ بیٹے کی مانے گا ہاہاہا”
دن گذرتے گئے ،۔۔۔۔۔۔
وہ روکتے اور آپ سناتے گئے ،۔۔۔۔۔۔۔۔۔۔
حالات بدلتے گئے ،
اپنے پرائے ،پرائے اپنے ۔۔۔۔ہوتے گئے۔۔۔
وہ روکنے پہ کمربستہ ،آپ سنانے پہ،
آخر کار فیصلہ ہوا ۔۔۔۔۔
مکہ کی اسٹیبلشمنٹ نے سر جوڑے۔
یاد رہے یہ وہی اسٹیبلشمنٹ ھے، جو آج سے 45 سال پہلے ،
منظم طریقے سے میلاد کا انعقاد کروا چکی تھی مگر آج اس بات پہ کوشاں ھے کہ پیغام محمد کو کیسے روکا جائے ۔۔۔۔۔کمیشن بنا کمیٹی تشکیل پائی ، ۔۔۔۔۔بڑے بڑے ،سیانے ،طاقت ور سب ابو طالب کے پاس پہنچے ۔۔۔۔
کہا ابوطالب سنو ،
برداشت سے باہر ھے ،
لگتا ھے کچھ ھے،
جادو ٹونہ ،جن پریت ،عورت ،
کوئی چکر ھے، نہیں تو سرداری کا مسئلہ ھے ۔۔۔۔جیسا بھی جو ھے ،ہم پورا کرنے کو تیار ھیں ۔۔۔۔
مگر سنو اب ایسا نہیں ہونے دیں گے ۔۔۔۔وقت گذر گیا ،بہت برداشت کر لیا۔۔۔
آخری بار کہہ رہے ھیں ،سمجھا لو۔۔۔۔فیصلہ تم پہ ھے ،یا وہ یا ہم ۔۔۔۔
فیصلہ کرو ۔۔۔۔بتاو ۔۔۔۔پوچھو ۔۔۔۔۔۔۔۔
ابوطالب گئے ،کہا۔۔۔۔۔
سنا ،یہ کیا کہہ رہے ھیں ۔۔۔۔
کہا ،ہاں سنا ۔۔۔۔لیکن سن لیں ۔۔۔۔۔۔۔۔۔۔
“میں باز نہیں آوں گا ،
پیغام توحید سنانے سے ،
کیا دولت، سچ تو یہ ھے کہ،
اگر یہ میرے داہیں ہاتھ سورج اور بائیں چاند بھی رکھ دیں میں تب بھی پیغام حق سناتا رہوں گا ،کوئی ساتھ دے نہ دے “
کہتے ہوئے آنکھوں میں اشک آ گئے۔۔
آپ سناتے اور کہتے گئے ،
وہ روکتے ،ٹوکتے مارتے اور لڑتے گئے
چمنستان توحید آباد ہوتا گیا،
کونپلیں پھوٹتی گئیں ،تناور درخت بنتے گئے ،۔۔۔۔۔
دور گذرتا گیا ۔۔۔۔۔۔۔۔۔
قارئین میں نے دو منظر نامے آپکو دکھائے ہیں ، میلاد اور پیغام کا ۔۔۔ ۔۔۔۔۔ وہی میلاد والے پیغام پر اچھل پڑے ۔۔۔ ۔۔۔۔۔۔۔
آج 12 ربیع الاول ہے ڈی جے آواز بڑھا رہا ہے سب اچھل رہے ہیں پگڑیاں اچھل رہی ہیں عمامے اچھل رہے ہیں ۔۔۔ ۔۔۔۔
اختلاف اپنی مرض بحث برائے بحث میں رقصاں جھومیں جا رہی ہے !
عید میلاد النبی کا زور شور ، ھے،۔۔
قارئین
لعنت ہو،
اس مردہ ،مردود دل پہ جسکا میلادالنبی پہ دل افسردہ ہو ،
لیکن کیا کہا جائے اس کو
جسکو وہ اشک یاد نہیں جو پیغام کو روکنے والی بدمعاش اسٹیبلشمنٹ پہ نکلے تھے۔۔۔۔۔۔۔۔۔۔۔۔۔۔۔
میلاد النبی کا تقاضہ ھے کہ پیغام النبی کو عام کیا جائے ،اور اختلاف کو مکالمے کی صورت دی جائے !
ہم جان گئے ہیں
اختلاف جس سماج اور معاشرے میں اعتدال اور مکالمے کی صورت میں ظاہر ہو وہاں تحقیق سوچ اور نئے شعور کو جنم دیتا ہے
اس کے ظاہر اور باطن سے فقر اور تفکر کے صوتے پھوٹتے ہیں جیسے پہاڑ کی چوٹی سے
صاف شفاف چشمہ ابل پڑے ۔۔۔ ۔۔۔۔۔۔۔
اور پھر جھرنوں کی صورت میں گرتے موسیقی پیدا کرتے
فضاء اور ماحول کو معطر کرتے ایک چشموں سے کئی چشموں کو جنم سیدھا گھومتا اپنے لیے راستہ بناتے
وہی جس کا آغاز ایک قطرے سے ہوا تھا پھر قطرہ قطرہ ملتا ملاتا اجتماعیت کی صورت میں قلزم کی منزل پا لیتا ہے ۔۔ ۔۔۔۔۔۔۔۔۔۔۔۔
لیکن افسوس اور افسوس در افسوس وہی اختلاف جو تحقیق اور شعور کو بیدار کرتا آج بحث برائے بحث کی ضد اور تعصب کے ہاتھوں امت کا المیہ بن گیا ہے
خدا اس اختلاف امت کے المیے سے بچائے