“رضاعت سے کامل یتیمی 2’…
حلیمہ سعدیہ
متاع انسانیت کا ہاتھ تھامے۔۔۔۔۔
منتظر آمنہ کی طرف بڑھتیں۔۔۔۔۔۔ عبدالمطلب کے پیچھے
عبداللہ کے گھروندے میں داخل ہو رہی ھیں۔۔۔۔۔۔۔۔۔۔۔۔۔
4 سال پہلے
آغوش میں جانے والا بچہ !
صحراکی چھچھلتی دھوپ اور ٹھٹھرتی سردیوں میں بدوی تہذیب اور خانہ بدوشوں جیسی زندگی کی صعوبتیں گذار کر
آج!
قدم بہ قدم ماں کی جانب لپک رہا ھے
کون ھے
جو تصور کر سکے بی بی آمنہ کے دل میں خوشی کی کون سی لہر اٹھی ہوگی
یہ بڑی عجیب بات ھے۔۔۔۔۔۔
ادھر محمد قدم بہ قدم بڑھ رہے ہوں گے۔۔۔۔۔۔
اور ادھر آمنہ کے تصور عبداللہ سے کہہ رہے ہوں گے
عبداللہ
دیکھو تو ۔۔۔۔۔۔۔۔۔
محمد چلنے لگے ھیں۔۔۔۔۔۔
رسم و رواج کی جدائی والے دن گذر گئے اور اب
ممتا کی محبت ھے جو ساون بھادوں کہ جیسے برس رہی ھے اور ام ایمن معصوم محمد کی کھلائی بنے دن اور رات فطرت سلیم کے مشاہدے پا رہی ھے!!
ہنستے کھیلتے صحن میں بھاگتے محمد کا چہرہ سامنے ھے
اور بی بی آمنہ کا دل قرار نہیں پا رہا اور قرار آئے بھی تو کیسے ؟
اک جوان پاک باز بیواہ کے لیئے مرقد شوہر میں کیا کشش ھے کون جانے۔۔۔۔۔۔۔۔۔
تمنا ھے تو یہی محمد مرقد عبداللہ کو دیکھ لیں۔۔۔۔۔۔۔
کچھ ہی دنوں کے بعد
محمد کو لیئے عبدالمطلب کی معیت میں عبداللہ کے ننھیال بنو نجار کی طرف چل پڑیں۔۔۔۔۔۔۔۔۔۔۔۔۔
یثرب میں موجود بنی نجار کا محلہ الگ ہی منظر لیئے ھے
ہر طرف باغ ہی باغ اور انکے درمیان بہتا کھلا پانی محمد کے لیئے اک نئی دنیا ھے۔۔۔۔۔۔۔۔۔۔۔۔۔
جہاں دن کے سورج اور رات کے چمکتے چاند میں۔۔۔۔۔۔۔۔۔۔۔۔۔
انیسہ نامی لڑکی کے ساتھ کھیلتے اور اسکے بہتے !
پانیوں میں لہراتا اپنا عکس دیکھنا اور خوش ہونا محمد کے لیئے باعث کشش ھے!
6 سال کی عمر میں کیا کیا دیکھنے کو مل رہا ھے
ماں کی آغوش کے وقت انجان عورت کا پیار ۔۔۔۔۔۔۔۔۔۔۔
اپنوں کی جگہ بیگانوں کی محفل
اور
مکہ کی بجائے دور خیبات بنو سعد کے صحرائی گاوں۔۔۔۔۔
جہاں۔۔۔۔۔
قحط کی جھاڑیوں اور ربیع کے موسم کی بارشوں میں شیما کے گائے گیت اوربھائی عبداللہ کے ساتھ گذری صحرا کی چاندنی راتیں۔۔۔۔۔۔۔۔۔۔۔۔۔
اوراب۔۔۔
صحرائی گاوں کی جگہ
شاداب سرسبز کھجوروں سے لدے باغ اور ان میں کھیلتے تیراکی سیکھتے محمد نجانے سامنے نظر آنے والی والد کی قبر پہ کب کب گئے ہوں کوئی نہیں جانتا
کسی سیرت نگار نے نہیں لکھا
بی بی آمنہ محمد کو لیئے مرقد شوہر کب کب گئیں اور کتنی بار آنسووں کے نذرانے پیش کیئے۔۔۔۔۔۔۔۔۔۔۔۔
محمد کو کب یتیمی کا احساس ہوا میں نہیں جانتا
اک عرصہ قیام کے بعد ۔۔۔
576ء کو بی بی آمنہ اور حبشی نسل کھلائی ام ایمن برکہ محمد کو لیئے مکہ کی طرف نکل پڑی۔۔۔۔۔۔۔۔۔۔
اونٹنی پہ بیٹھے
ہودج نشیں ماں اور بیٹے میں کیا باتیں ہوئیں میں نہیں جانتا لیکن ابواء کا مقام معصوم محمد کے لیے یتیمیوں کا احساس لے آیا ھے۔۔۔۔
در یتیم محمد نے عبداللہ کو تو دیکھا نہیں تھا اور عبداللہ کی مرقد سے 43 میل دور عبداللہ کے گھر جاتے ہوئے بی بی آمنہ بھی محمد کو یتیم و یسیر کر گئیں
آہ۔۔۔۔۔۔۔۔۔۔۔۔۔۔۔
آمنہ کا در یتیم
اس یتیم الدیاری میں کتنی دیر ماں کی لحد پہ روتا اور آنسو ٹپکاتا !
ام ایمن سے کیا کہتا ہوگا
ابن اسحاق جان کر بھی شاید وہ دکھ وہ کرب نہ لکھ پایا ہو جو 6 سالہ معصوم بچے پہ گذر گیا!
میرا تخیل کہتا ھے کہ مکہ سے دور یثرب سے باہر مکہ کی جانب چلتے ہوئے محمد نے۔۔۔
ام ایمن سے پوچھا تو ہوگا
اماں ایمن!
مکہ سے نکلنے والے یثرب میں ہی کیوں سوئے ملتے ھیں۔۔۔۔۔۔؟
وفادار خادمہ عبداللہ کو روتی آمنہ کا دکھ پیتی محمد کو دیکھتی مکہ کی طرف بڑھتی احساس اور یاد میں میں بےاختیار آنسو ٹپکاتی کبھی محمد کے چہرے کے بوسے لیتی اور کبھی کچھ اور یاد آنے پر گلے سے لگا لیتی۔۔۔۔۔۔۔۔۔۔
غلام اور باندی کے دن بھی عجیب ہوتے ھیں
رات بھی دن اور دن بھی رات ۔۔۔۔۔۔۔ان کے واسطے تو ہر دن پہلے سے زیادہ مشکلیں لے کے آتا ھے
لیکن مقام ابواء کے دن کا چڑھا سورج ام ایمن کے لیئے جیسا ڈھلنا بھول ہی گیا ہو۔۔۔۔۔۔۔۔۔
ابواء سے مکہ تک کا سفر ام ایمن ہی جانتی ھے کیسے طے ہوا ۔۔۔۔۔۔۔۔۔۔
مکہ میں۔۔۔۔
صفاء اور مروہ کے پھیلتے سایوں میں آنے والے قافلے سے پہلے ۔۔۔۔۔۔
احطیم میں بیٹھے عبدالمطلب کے پاس پہنچنے والی اڑتی دھول وہی 7 سالہ پرانی ھے۔۔۔۔۔۔۔۔۔۔
جب حارث نے آ کر کہا تھا
بابا!
عبداللہ نہیں رہا۔۔۔۔
اور آج ام ایمن آمنہ کا کچھ کہتی ۔۔۔
محمد اس سے پہلے ہی دادا سے لپٹ گئے!!!
عبدالمطب کے پرانے دکھ جاگ گئے
ہائے۔۔۔۔!!!!! بوڑھا عبدالمطلب
شام کے سفر پہ گئے ہاشم اور یثرب میں ہی رہ جانے والے عبداللہ کو روئے ۔۔۔۔۔۔۔
یا محمد کو تنہا چھوڑ جانے والی آمنہ کے لیئے آنسو بہائے۔۔۔۔۔۔۔۔۔۔۔
کون سمجھے اور کون جانیں کہ
ان جانے والو کے لیئے رونا بھی فضول اور بن روئے رہنا بھی ناممکن۔۔۔
عبدالمطلب محمد کو تھامے دن ،اور ساتھ رکھتے راتیں گزارنے لگے!
ابن اسحاق کہتے ھیں عبدالمطلب کے لیئے کعبہ میں فرش لگایا جاتا تعظیم اور وقار کے باعث کوئی دوسرا اس فرش پہ نہ بیٹھتا۔۔۔۔۔۔۔۔۔۔۔۔
مگر محمد جب آتے سیدھا عبدالمطلب کے ساتھ فرش پہ برابر بیٹھ جاتے ،
روکنے والے روکتے تو عبدالمطلب انہیں ٹوکتے اورکہتے
محمد کو نہ روکا کرو اس بچے میں خود شناسی کے جوہر بکثرت پائے جاتے ھیں بڑا ہی با برکت بچہ ھے۔۔۔۔۔۔۔
عبدالمطلب محمد کو ساتھ لیئے پھرتے یہاں تک دارالندوہ جہاں 40 سال سے کم عمر کو جانے کی اجازت نہ تھی وہاں بھی لے جاتے
شروع شروع میں بزرگان قریش نے اعتراضات اٹھائے پھر بعد میں محمد سے عبدالمطلب کا پیار دیکھ کر سب خاموش ہو گئے۔۔۔۔
عبدالمطلب شروع دن سے ہی محمد کی عادات و اطوار دیکھ ۔۔۔۔
اور دوسروں کا کہا سن رہے تھے
ایک دن بنومدلج قبیلے کے کچھ لوگ عبدالمطب کے پاس آئے وہ قیافہ شناسی میں بڑی مہارت رکھنے والے تھے
انہوں نے محمد کو چلتے دیکھا ۔۔۔۔۔۔
اور عبدالمطلب سے کہا
بڑا با برکت بچہ ھے یہ ،
عبدالمطلب جانتے ہو کہ
مقام ابراہیم پر ثبت قدموں کی سب سے زیادہ مشابہت اسی بچے کے قدموں سے ملتی ھے۔۔۔
عبدالمطلب نے یہ بات سنی تو ابو طالب سے کہا “سنو! یہ لوگ کیا کہہ رہے ھیں؟”
اس کے بعد ابو طالب نے بھی اپ کا خاص خیال رکھنا شروع کر دیا۔۔۔۔۔۔۔
اور کبھی عکاظ کے سالانہ میلے میں کہے گئے اہل کتاب کے الفاظ یاد آتے تو عبدالمطلب ام ایمن کو بلا کر کہتے
برکہ! میرے اس بیٹے کی پرورش میں زرا بھی غفلت نہ برتنا اہل کتاب کا کہنا ھے کہ میرا یہ بیٹا اس امت کا نبی ہوگا”
بڑی محبت اور خیال رکھتے
جب بھی کھانے لگتے تو کہتے “پہلے میرے بیٹے محمد کو لاو”
عبدالمطلب تاکیدا” محمد سے کہا کرتے تم مجھ سے کبھی جدا نہ ہوا کرو۔۔۔۔۔۔
حج کے ایام تھے اور عبدالمطلب محمد کو ساتھ لیئے طواف کر رہے تھے
کہ تیسرے چکر پہ سانس پھولی ۔۔۔۔
محمد کا ہاتھ تھامے بستر مرگ پہ جا لیٹے۔۔۔۔۔۔۔۔۔۔۔۔
زبیر اور ابوطالب کو بلایا
محمد کو پیار دیتے ہوئے کہا
سنو!
میرے بیٹے کا بڑا خیال رکھنا۔۔۔۔۔۔۔۔
آہ۔۔۔۔۔۔۔
تاکیدا” کہنے والا کہ تم مجھ سے کبھی جدا نہ ہونا
آج۔۔۔۔۔۔۔۔۔۔۔۔۔۔۔
2 سال بعد ہی رخصت ہو کر جدا ہو گیا!!!!!!
سب کے ساتھ آنسو بہاتے جنازے کے پیچھے پیچھے چلتے 8 سالہ محمد
عبدالمطلب کو مٹی تلے ۔۔۔۔۔۔۔۔۔۔۔۔
جاتا دیکھ کر مقام ابواء کا منظر محمد کی نگاہوں میں آنسو لے آیا۔۔۔۔۔۔۔۔۔۔۔
103
