علی افضل، علی اکمل، علی اعلی، علی بالا،
علی احسن، علی مولا، علی اکبر، علی اولٰی۔
علی مہکا ہوا گلش، علی پھولوں کی ہے مہکار،
علی شبنم،علی نکہت، علی دریا، علی کہسار۔
علی عابد، علی زاہد، علی قرآن کا قاری،
علی ساجد، علی حامد، علی قرآن کا داعی۔
علی قرآن والا ہے، علی برہان والا ہے،
علی ایمان والا ہے، علی یزدان والا ہے۔
علی ایمانِ کامل ہے، علی سامانِ راحت ہے،
علی بندہءِ مومن کے دل و جاں کی محبت ہے۔
علی سردار ولیوں کا، علی دلدار ولیوں کا،
علی سالار ولیوں کا، علی کردار ولیوں کا۔
علی زہرا کا شوہر ہے، علی حسنین کا بابا،
علی اصحاب کا دلبر، علی سرکار کا پیارا۔
علی رہبر، علی حق پر، علی دل میں، علی لب پر،
علی کی مدح لازم ہے سبھی پر، بندہءِ رب پر،
علی صدیقِ اکبر کا، علی فاروقِ اعظم کا،
علی عثمان کا بھائی، علی نعرہءِ دم دم کا۔
علی تیرا، علی میرا، علی سب کا، علی رب کا،
علی مولا، علی آقا، علی سب کا، علی رب کا۔
علی شمشیرِ حق ٹھہرا، علی تنویرِ حق ٹھہرا،
علی کردارِ حق ٹھہرا، علی تصویرِ حق ٹھہرا۔
علی کی شان میں راقم، قلم میرا علَم ٹھہرا،
علی کی حرمت و تقدیس پر جس نے دیا پہرا۔
