کالم نگاری کے لئے کالم لوگو کو خاص اہمیت حاصل ہوتی ہے ۔ میں نے اپنا کالم لوگو بنایا اور اس کو عنوان دیا “صراطِ مستقیم “-
اس عنوان کو رکھتے ہی زہن میں “صراطِ مستقیم” پر لکھنے کا خیال آیا ۔
صراطِ مستقیم پڑھتے ہی سورہ فاتحہ زہن میں آجاتی ہے ۔ اللہ تعالیٰ قرآن مجید کی سورہ فاتحہ میں فرماتے ہیں
” اھدناصراط المستقیم “
یہ ایک مکمل اور جامع دعا ہے ۔ اس کے ساتھ ساتھ یہ اہم ترین دعا ہے ۔ اس کے آہم ترین ہونے کی وجہ یہ ہے کہ یہ دعا باری تعالیٰ نے خود اپنے بندوں کو سکھائی ہے ۔
دنیا کے کسی بھی فرد کے کسی بھی معاملے سے اللہ تعالیٰ غافل نہیں ہے ۔ اس لئے دین اور دنیا دونوں میں صراط مستقیم کے بغیر کوئی بھی فلاح اور کامیابی حاصل کرنا نا ممکن ہے ۔
دنیا کی پریشانیوں میں الجہنوں میں بھی صراط مستقیم کی دعا کرنا نسخہ اکسیر کا درجہ رکھتی ہے ۔ لیکن ہم اس دعا یعنی صراطِ مستقیم پر توجہ نہیں دیتے ۔
صراطِ مستقیم پر غور کرنے سے ایک وسیع اور بڑے علم کا رروازہ کھلتا ہے ، وہ یہ کہ پورا قرآن جو مشعل راہ اور درحقیقت صراط مستقیم کی تشریح ہے ۔
نبی اکرم صلی اللہ علیہ وسلم کی تعلیمات قرآن کی تشریح ہیں ۔ قرآن میں فرمایا گیا ہے کہ سیدھا راستہ اختیار کرو
اللہ کائنات میں ہر سمت اور ہر جگہ موجود ہے- میں سب سے زیادہ اللہ سے ملاقات کا شوق رکھتی ہوں – اس تک پہنچنے کی لاتتعداد صراط مستقیم ہیں- اس لئے میری سمجھ نہیں آتا میں کون سی صراط اختیار کروں- مجھے ہر صراط مستقیم میں رکاوٹیں دکھائی دیتی ہیں- یہ مختلف شیطان ہیں اور اس رکاوٹ سے جہاد کے لئے مجھے اللہ کی مدد درکار ہے-
یہی سوچ کر میں نے.اپنا لوگو صراط مستقیم رکھا –
یہاں میں رکاوٹیں دور کرنے کے لئے اللہ کے بتائے طریقوں کے بارے میں لکھوں گی ۔
عنوان صراطِ مستقیم میں بہت سی دین کی راہیں یا یوں کہہ لیں کہ اللہ تعالیٰ کے احکامات اور پیارے نبی صلی اللہ علیہ وسلم کی تعلیمات شامل ہیں ۔
میں اس نیت اور ارادے کے ساتھ لکھنا چاہتی ہوں کہ جیسا میں اپنی زندگی کو سمجھی ہوں ویسا ہی اپنے خیالات لوگوں تک پہنچا سکوں ۔
صراطِ مستقیم میں سب سے پہلے توحید ہے ۔ اللہ تعالیٰ کے احکامات ہیں ، رسول اللہ کی تعلیمات ہیں ان شاءاللہ ان سب باتوں پر کالم لکھو گی ۔
اس سلسلے میں اساتذہ کرام کی رہنمائی اور قارئین کی رائے بہت ضروری ہے۔
