وہ جنوری کی یخ بستہ شام تھی۔۔۔مسلسل پڑنے والی دھند نے آنکھوں سے دیکھنے کی صلاحیت کافی حد تک چھین لی تھی۔۔۔راستے برف کی چادر اوڑھے۔۔۔یوں معلوم ہوتا تھا جیسے گہری نیند میں سوگئے ہو ہر طرف خاموشی کا راج تھا ۔۔انسان تو دور اس وقت کوئی پرندہ بھی اپنے گھونسلے سے نکلنے کو تیار نہ تھا جہاں تک بھی نظر جاتی سوائے برف ک کچھ معلوم نہیں پڑتا۔۔۔جیسے زمین نے برف کاسفید کفن اوڑھہ لیا ہو۔۔۔۔ ایسا لگ رہا تھا جیسے وہ کوئی برف کا جزیرہ ہو۔۔۔اور اطراف میں کھڑے لمبے سیاہ درخت۔۔۔فوج کے بہادر سپاہیوں کی طرح شانہ بشانہ کھڑے تھے اچانک سے دیکھنے پر جو کسی بھوت کی طرح دکھا ئی دیتے ان سے کچھ فاصلے پر پر دائیں طرف لکڑی کا ایک چھوٹا سا گھر تھا۔۔۔۔۔ایک کمرہ۔۔۔۔بلکہ جسے لکڑی کا ایک چکور ڈبہ کہنا زیادہ مناسب ہوگا ۔۔۔۔جو کہ چاروں طرف سے مکمل بند تھا تھا ۔۔۔بس سامنے کی طرف چھوٹا سا دروازہ رکھا گیا تھا جس میں سے سے نکلنے والا دھواں زندگی کا پتہ دے رہا تھا۔۔۔۔۔ .۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔.میڈم! ایک بار پھر سے سوچ لیں۔۔مجھے تو تو ڈر لگ رہا ہے۔۔سوچا تھا ۔۔۔۔تبھی یہاں تک آئی ہوں وہ لاپروائی سے کہتے ہوئے بیگ میں سے کچھ تلاش کرنے لگی۔۔۔۔۔۔۔۔۔لیکن جتنی انفارمیشن میں نے یہاں آس پاس کے لوگو سے اکٹھی کی ہے اس کے مطابق وہ شخص کسی سے بات تک نہیں کرتا۔۔۔۔۔تو پھر وہ آپکو اپنے بارے میں کیوں کچھ بتائے گا؟؟ہممم۔۔۔لیکن من کوشش کرو گی اور تم نے سنا ہو گا۔۔کوشش کرنے والوں کی ہار نہیں ہوتی۔۔۔۔۔پتہ نہیں کیوں ۔۔۔؟مگر مجھے لگ رہا ہے میرا یہ سفر بہت یادگار ہونے والا ہے اور تم فکر نہ کرو کچھ نہیں ہوگا۔۔۔۔مطمئن سے انداز میں کہتے ہوئے وہ دروازہ کھولنے لگتی ہے ۔۔۔آپ اکیلی۔۔؟اس بات وہ پلٹی ضرور مگر کہا کچھ نہیں۔۔۔میرا مطلب آپ اکیلی مت جائیں ۔۔۔میں نے سنا ہے یہ کافی خطرناک علاقہ ہے۔۔۔نہایت فکر مند انداز میں کہتے ہوئے وہ نظریں جھکا گیا تھا۔۔۔جب کہ دوسری جانب لبوں پے ہلکی سی مسکان اُبھری تھی۔۔۔یہ تم آج کچھ زیادہ ہی فکر مند نہیں ہورہے؟؟؟اُسکے چہرے کا بھرپور جائزہ لیتے ہوئے پوچھا گیا۔۔۔۔۔ایسا کچھ نہیں ہے وہ میں نے تو جو سنا۔۔۔۔۔۔۔سنی سنائی باتوں پے کان نہیں دھرتے فیروز احمد۔۔۔۔وہ اب نظریں جھکائے اگلے حکم کا منتظر تھا۔۔یہی اسکا کام تھا۔۔یہی حثیت۔۔۔اچھا سنو۔۔گاڑی لاک کر لینا۔۔اور چاہو تو سوجانا تم کافی تھک چکے ہوگے اور اگر کوئی خطرہ محسوس ہو تو بھاگ جانا ۔۔۔آخری بات کافی شرارت بھرے انداز میں کہی گئی ۔۔۔۔جس پے وہ کچھ شرمندہ سا ہوگیا .۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔.برف پے چلنا کافی مشکل لگ رہا تھا اسے۔۔۔وہ مشکل سے چھوٹے چھوٹے قدم اٹھا پاء رہی تھی۔۔۔سردی کا احساس اب ہو رہا تھا۔۔چند قدم چلنے کہ بعد ہی اسے لگا کہ بس وہ ابّ مزید نہیں چل پائے گی ۔۔۔تبھی اسے پاس سے ایک آواز سنائی دی۔۔۔۔خوفناک آواز۔۔۔اُسنے ہاتھ میں پکڑی ٹارچ کو ادھر اُدھر گھمانا شروع کیا مگر اسے کچھ بھی دکھائی نہ دیا۔۔۔اُسنے واپس جانا چاہا مگر اندھیرا اس قدر تھا کے نہ تو آ گے کچھ دکھائی دے رہا تھا نہ ہی پیچھے۔۔۔۔اتنا بھی بہادر بننے کی کیا ضرورت تھی بھلا ۔۔۔کم از کم ٹارچ لائٹ تو بڑی لینی چاہیے تھی۔۔۔نہیں مگر مجھے تو ہیرو بننا ہے۔۔۔اب اسے خود پے غصہ آرہا تھا۔۔۔اوکے فائن۔۔۔۔کچھ نہیں ہوتا۔۔وہ آنکھیں بند کیے خود کو مضبوط کرنے کی ناکام سی کوشش کر رہی تھی۔۔۔۔تبھی وہ آواز پھر سے آئی ۔۔۔مار ے خوف کہ اس نے تیزی سے بھاگنا شروع کردیا ۔۔۔تبھی کچھ لمحوں بعد وہ ایک مضبوط جسم سے ٹکرا ئی۔۔۔۔ٹارچ تو کہیں بہت پیچھے ہی گر گئی تھی اسے لگا وہ مزید اب شاید زندہ نہ رہ سکے۔۔۔آپ ٹھیک تو ہیں؟؟؟وہی جانی پہچانی آواز۔۔۔۔ایک لمحے کو اپنے اندر سکون اترتا ہوا محسوس ہوا۔۔۔۔میں ٹھیک ہو۔۔۔۔مگر تم تو پیچھے گاڑی ۔۔۔۔۔۔۔خوف کے مارے وہ اندازہ ہی نہ کر پائی کہ اگّے کی طرف بھاگ رہی ہے یہ پیچھے۔۔۔۔۔۔۔ .۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔.السلام وعلیکم۔۔۔۔ کافی دیر کی جدوجہد کے بعد وہ دونوں آخر کار وہاں پہنچ ہی گئے تھے۔۔۔۔سامنے کا منظر بالکل ویسا ہی تھا۔۔۔جیسا کہ انہوں نے سن رکھا تھا ۔۔۔۔وہی چھوٹا سا کمرہ ۔۔۔۔۔اندھیرے میں ڈوبا ہوا۔۔۔۔وسط میں پڑی کرسی ۔۔۔اس پے برجمان ویسی ہی شخصیت یا پھر وہی۔۔۔کرسی کے بالکل سامنے چھوٹی سی انگیٹھی میں جلتی ہوئی آگ۔۔۔۔اور خموشی۔۔۔۔۔۔۔مگر آج ایک اضافہ ہوا تھا۔۔۔دو لوگو کا۔۔۔خاموشی بھی ٹوٹی تھی۔۔۔ہیلو۔۔۔۔ کوئی رسپانس نہ ملنے کی صورت میں فیروز نے ایک بار پھر آواز دی۔۔۔۔اسے شک ہوا تھا۔۔۔کسی انہونی کا۔۔۔تبھی اس بار آواز کی بجائے اُسنے ہاتھ لگانا چاہا ۔۔۔مگر۔۔۔فا ر ہ نے اسے ایسا کرنے سے روک دیا ۔۔کچھ لمحے یونہی خموشی کی نظر ہوئے۔۔۔۔السلام وعلیکم۔۔۔۔اس بار سلام فا ر ہ کی طرف سے کیا گیا۔۔۔یہی وہ لمحہ تھا جب پہلی بار اس شخص کی پلکوں میں لرزش ہوئی تھی۔۔۔۔اُن دونوں نے دیکھا معجزہ ہوگیا تھا شاید۔۔۔فار ہ کو اُمید بندھی تھی۔۔۔کچھ لمحے مزید یونہی گزرے۔۔۔۔۔۔انکل ۔۔۔۔اس بار آواز کو تھوڑا اونچا رکھا گیا تھا۔۔۔تبھی انہوں نے پھر سے دیکھا کہ اس بار آنکھوں کو بڑی شدت سے بھینچا گیا تھا۔۔۔کہ جیسے جب کوئی بڑی اذیت میں ہوتا ہے تو زور سے آنکھیں بند کر لیتا ہے۔۔۔۔جیسے جب کوئی ڈر حقیقت بن کہ سامنے آجائے۔۔۔جب ہم سامنا نا کرنا چاہ رہے ہو۔۔۔۔جب دل دکھ سے پھٹ رہا ہوں۔۔۔اس لمحے اُس شخص کے چہرے پر دکھ مزید گہرا ہوتا محسوس ہوا۔۔۔۔جیسے کوئی خود سے الجھ رہا ہو۔۔۔ وہ مسلسل اُس چہرے کی طرف دیکھ رہی تھی۔۔۔اُسنے فیروز کو بھی مزید آواز دینے سے منع کردیا تھا خودبھی چپ ہو گئی تھی۔۔۔۔کچھ سوچتے ہوئے اُسنے فیروز کو ٹارچ لائٹ بند کرنے کا کہا اور خود وہیں آگ کےپاس زمین پر بیٹھ گئی۔۔صبح ہونے میں چند گھنٹے ہی رہ گئے تھے۔۔۔۔اسے انتظار کرنا تھا۔۔۔۔صبح کا۔۔۔۔۔۔روشنی کا۔۔۔۔۔ .۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔.صبح دس بجے کے قریب کا وقت تھاجب اُسکی آنکھ کھلی ۔۔۔۔۔یہ سب۔۔۔اس نے حیرت سے اپنے اوپر سے کمبل کو ہٹاتے ہوئے سامنے کی طرف دیکھا جہاں وہ جانے کب سے شاید اُسکے اٹھنے کا ہی انتظار کر رہا تھا۔۔۔۔مطلب تم رات میں پھر واپس گئے تھے۔۔۔۔دوسری طرف سے کوئی جواب نہیں آیا۔۔۔۔۔۔پاگل ہو؟؟؟اگر تمہیں کچھ ہوجاتا تو۔۔۔۔اس بار غصے میں کہا گیا ۔۔۔۔۔۔اگر نہیں جاتا تو یقیناً آپکو کچھ ہوجاتا اور آپکی حفاظت میری ذمےداری ہے۔۔۔جو میں ہر حال میں نباؤگا۔۔۔۔۔باہر ابھی بھی برف باری ہو رہی تھی ۔۔۔مسلسل آگ جلنے سے سردی کا احساس کچھ کام ہوا تھا۔۔۔کچھ فیروز نے دروازے پے کمبل بطور پردہ لٹکا کے ہوا کا داخلہ بند کر دیا تھا۔۔۔۔۔وہاں اور کچھ چاہے نہیں بھی تھا۔۔۔۔مگر سکون تھا۔۔۔۔تم جاگ رھے تھے جب وہ انکل۔۔۔۔۔۔۔؟؟؟نہیں میں سو رہا تھا۔۔۔۔۔اب ہم کیا کریں گے پھر؟؟؟؟ وہ مسلسل اس کھلی کرسی کی طرف دیکھ رہی تھی۔۔۔جس پے بے انتہا گرد جمی تھی ۔۔۔۔جیسے سالوں سے ایسے ہی پڑی ہو ۔۔۔۔۔جبکہ اُسکے ساتھ والی کرسی ۔۔۔۔تھی وہ بھی اتنی ہی خستہ حال۔۔۔مگر اس پے گرد نہیں تھی ۔۔۔۔۔۔۔جو آپکو ٹھیک لگے۔۔۔نہایت سادہ انداز میں جواب دیا گیا۔۔۔۔فی الحال تو مجھے بھوک لگی ہے۔۔۔اُسنے پیٹ پے ہاتھ رکھتے ہوئے کہا ۔۔۔۔اور ساتھ ہی کھڑی ہوگئی۔۔۔۔تو پھر۔۔۔۔۔؟؟؟؟وہ بھی کھڑا ہوگیا تھا۔۔۔۔ہم یہاں بھی نہیں رہ سکتے۔۔۔۔یہاں سے کچھ فاصلے پے آبادی ہے۔۔۔۔۔میں نے سرچ کی تھی۔۔۔۔باہر نکلتے ہیں دیکھتے ہیں پھر۔۔۔۔۔۔وہ بیگ کندھے پے ڈالے چلنے کو تیار کھڑی تھی۔۔۔۔۔تبھی ایک بار پھر اس نے وہی آواز سنی۔۔۔۔و ہ ایک دم پیچھے ہٹی تھی۔۔۔۔۔وہ سچ میں ڈر گئی تھی ۔۔۔۔ایک بار پھر سے۔۔۔۔۔۔۔مگر دن کی روشنی میں اسے کمزور نظر نہیں آنا تھا۔۔۔۔۔۔۔۔آخر کار وہ ایک مضبوط لڑکی ہے۔۔۔۔۔۔یہ شکاری جانور ہوتے ہیں۔۔۔۔جو بعض اوقات شکا ر نہ ملنے کی صورت میں ایسی عجیب آوازیں نکالتے ہیں ڈرنے کی ضرورت نہیں۔۔۔۔وہ اُسکے چہرے کے اوڑتے ہوے رنگ باآسانی دیکھ سکتا تھا۔۔۔۔تبھی وضاحت دینا ضروری سمجھا۔۔۔۔۔۔۔۔۔میں کب ڈری۔۔۔۔؟؟؟بمشکل تھوک نگلتے ھوے اتنا ہی کھ پائی ۔۔۔۔۔۔جیسے کوئی چوری پکڑی گئی ہو۔۔۔۔۔اس دروازے کہ بلکل سامنےتھوڑے فاصلے پر ایک راستہ اونچائی سے ہوتا ہوا نیچے کیطرف جا رہا تھا۔۔۔۔۔۔کچھ دیر بعد وہ دونوں اُسی راستے پر نظر آئے اور پھر تھوڑی ہی دیر میں نظروں سے اوجھل ہو گئے۔۔۔۔۔۔۔۔ . ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ .یہاں ڈوربیل نہیں ہوتی ۔۔۔۔اسکی نظروں کی تلاش سمجھتے ہوئے نہایت سرسری سے انداز میں کہتے ہوئے و خود دروازے کے قریب آیا ۔۔۔پہلی دستک پے ہی دروازہ کھل گیا ۔۔۔۔دروازہ ایک عورت نے کھولا تھا ۔۔ ۔۔ جو کہ اب آنکھوں میں کافی حیرت لیے اپنے سے چندقدم دور کھڑی لڑکی کو دیکھ رہی تھی ۔۔۔۔۔ ان آنکھوں میں عجیب سا سحر تھا ۔۔۔کچھ لمحوں کے لئے تو وہ کچھ بول ہی نہ پائی ۔۔ و عورت بھی ایسے ہی خاموش کھڑی تھی ۔۔ جیسے بول رہی ہو ۔۔جی بولے کیا کام ہے ۔۔؟؟السلام وعلیکم۔۔ خاموشی ٹوٹی تھی ۔۔۔ مگر دوسری طرف سے جواب آنکھوں نے دیا ۔۔۔ اسے عجیب لگ رہا تھا ۔۔ ایسے کسی کے دروازے پہ دستک دینا۔۔ پھر کھڑے رہنا ۔۔ایک بار تو دل نے چاہا بھاگ جائے اور پیچھے مڑ کے بھی نہ دیکھے ۔۔ مگر کچھ تھا جو اسے بار بار روک رہا تھا ۔۔ دل میں آنے والے ایسے تمام فضول خیالات کو سائڈ پہ کرتے ہوئے وہ آگے بڑھی تھی ۔۔۔یہ ابراہیم صاحب کا گھر ہے؟صاحب اس نے احتراماً ساتھ لگایا تھا ۔۔ جی ۔۔ مگر ۔۔۔ میں فارا دانیال ہوں ۔۔ رائٹر ہوں ۔۔۔مطلب لوگوں کی کہانیاں لکھتی ہوں ۔ اس نے اپنا تعارف کروایا ۔۔صرف کہانیاں لکھتی ہیں یا دکھ بھی ۔۔۔؟ نہایت دھیمے انداز میں کہا گیا ۔۔ جی کیامطلب وہ سمجھ نہیں پائی تھی ۔۔سامنے کھڑی خاتون نے نفی میں سر ہلایا ۔۔ وہ گھر پہ نہیں ہیں اس وقت ۔۔انداز بلکل ایسا تھا جیسے اللہ حافظ کہہ رہی ہو ۔۔ کے بس جاؤ تم لوگ ۔۔ وہ نہیں ملیں گے کبھی بھی ۔۔۔ ہم انتظار کر لیں گی۔۔ سامنے بھی فارہ تھی ۔۔پلز میرا ان سے ملنا بہت ضروری ہے ۔۔۔انتظار ۔۔۔۔۔۔۔۔وہ زیرِ لب اتنا ہی کہہ پائی ۔۔ مگر اس لمحے ان کے چہرے پہ پھیلی اُداسی کو اُن دونوں نے دیکھا تھا ۔۔ وہ بغیر کچھ کہے دروازے سے پیچھے ہٹ گئی ۔۔۔ مگر دروازہ بند نہیں کیا تھا ۔۔ .۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔. شام چار بجے کا وقت تھا جب ایک بار پھر اسے دستک سنائی دی۔۔۔۔۔وہ چھوٹا سا مگر خوبصورت گھر تھا جو تین کمروں اور ایک کچن پر مشتمل تھا سامنے کی طرف دو کمرے تھے ایک کمرہ بائیں جانب تھا جبکہ دائیں جانب چھوٹا سا کچن تھا۔۔۔۔ان کے درمیان میں آنے والی جگہ کو برآمدے کی شکل دی گئی تھی۔۔۔۔اور سامنے کیطرف جگہ کو کھلا رکھا گیا تھا۔۔۔جہاں پر مسلسل گرتی ہوئی برف کیا خوبصورت منظر پیش کرتی تھی۔۔۔اسکا اندازہ وہی لوگ لگا سکتے ہیں جنکو نیچر میں دلچسپی ہو۔۔۔اسے وہ چھوٹا سا گھر اپنے محلوں سے بہت زیادہ خوبصورت لگا تھا۔۔۔۔وہاں سکون تھا۔۔۔۔وہ بہت ہی پرسکون جگہ تھی۔۔۔۔۔وہ چاۓ کا کپ ہاتھ میں پکڑے برآمدے میں کھڑی باہر گرتی ہوئی برف دیکھ رہی تھی۔۔۔۔چاۓ کے ہر گھونٹ کےساتھ اسے اپنے اندر سکون اترتا محسوس ہو رہا تھا۔۔۔۔دروازے پر دوسری دستک ہوئی تھی۔۔۔۔ تبھی اس نے آنکھیں کھولے آس پاس دیکھا تھا۔۔۔ اسے کچن سے برتنوں کی آوازیں آرہی تھی۔۔۔۔ شاید وہاں سنا نہیں گیاتھا۔۔۔۔ چاۓ کا کپ وہاں موجود لکڑی کے بوسیدہ سے میز پر رکھتے ہوئے وہ خود دروازے کی سمت بڑھ گئی تھی۔۔۔ .۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔.دو دن ہو گئے تھے انہیں وہاں رہتے ہوئے ۔۔۔ اس نے کتنی بار کوشش کی تھی بات کرنے کی ۔۔ مگر ۔۔ وہ ذیادہ بولتے ہی نہیں تھے ۔ ۔بلکہ ایسے کہنا چاہیے کہ بولتے ہی نہیں تھے ۔۔ تاہم گھر کے باقی افراد فائقہ آنٹی اور ان کی بیٹی آمنہ سے اس کی کافی دوستی ہوگئی تھی ۔۔ اس نے باتوں باتوں میں کافی سوال کئے تھے ۔۔ مگر کوئی جواب نہیں مل پایا تھا اسے ۔۔ وہ الجھتی جا رہی تھی ۔۔ ان کی شخصیت میں عجیب سا سحر تھا ۔۔
وہ جب جب انہیں دیکھتی ۔۔ مزید الجھ جاتی ۔۔اس نے سوچ لیا تھا آج رات وہ ضرور بات کرے گی ۔۔۔آخر وہ کب تک ایسے یہاں رہ سکتی تھی ۔۔۔ کسی پہ بوجھ بن کہ۔۔۔رات کا اندھیرا پھیلتے ہی وہ ایک بار پھر سے اسی جگہ پر آگئی تھی۔۔۔۔۔جہاں سے اس نے یہ سفر شروع کیا تھا ۔۔کچھ لمحے باہر کھڑے رہنے کے بعد جب سردی کی شدت حد سے بڑھی تو مجبوراً اسے اندر جانا پڑا ۔۔۔۔۔۔اسے وہاں کھڑے کافی ٹائم ہو گیا تھا ۔۔۔مگر کچھ بولنے کی ہمت نہیں کر پاءرہی رہی تھی۔۔۔واپس چلی جاو ۔۔پھر وہی آواز گونجی ۔۔اس بار اس چہرے پر مسکان آئی تھی ۔۔۔چلی جاوں گی ۔۔۔مگر۔۔۔ پہلے مجھے سارے سوالوں کے جواب چاہیے ۔۔۔۔۔۔کون سے سوال ۔۔۔؟؟؟؟؟سوال اگرچے آسان تھا ۔۔مگر جواب تو اسے خود بھی معلوم نہیں تھا ۔۔۔اسے تو بس جاننا تھا ان کی شخصیت کے بارے میں۔۔جیسی باتیں وہ سن چکی تھی ۔۔ بلا شبہ اسے وہ شخصیت سچ میں میں بہت پر اسرار لگی تھی ۔۔۔مجھے جاننا ہے لوگ آپ کے بارے میں عجیب باتیں کیوں کرتے ہیں ۔۔۔؟؟ وہ اتنا ہی کہہ پائی ۔۔لوگوں کا تو کام ہے ۔۔۔ وہی جواب مختصر ۔آپ کا مطلب لوگ جھوٹ کہتے ہیں ۔۔ایک اور سوال ۔۔۔۔نہیں ۔۔۔۔مجھے نہیں پتہ لوگ میرے بارے میں کیا کہتے ہیں تو میں کیسے کہہ سکتا ہوں سچ ہے کہ جھوٹ ۔۔۔۔بند آنکھوں سے جواب دیا گیا۔۔۔۔۔لوگ آپ کو پاگل کہتے ہیں ۔۔ بلکہ شائد سمجھتے بھی ہیں ۔۔۔۔نفسیاتی مریض کہتے ہیں ۔۔۔جبکہ کچھ کے بقول تو آپ پہ کسی جن بھوت کا سایہ ہے ۔۔اور بھی ایسا بہت کچھ ۔۔۔۔تمہیں کیا لگتا ہے ۔۔؟اس مطمئین انداز میں سوال کیا گیا تھا ۔۔۔ کہ جیسے اپنی زات پہ ہونے والا قصیدہ سنا ہی نہیں تھا ۔۔۔۔۔ مجھے ایسا کچھ نہیں لگا تبھی تو ۔۔۔ وی سمجھ ہی نہیں پائی کہ آگے کیا کہے ۔۔۔مجھے آپ کے بارے میں جاننا ہے ۔۔آپ کی کہانی لکھنی ہے ۔۔۔تاکہ لوگ سچ جان سکیں وہ آپ کے بارے میں غلط رائے رکھنا چھوڑ دیں۔۔۔میں جانتی ہوں مجھ سے پہلے بھی کافی لوگ آئے ہیں اور اگر میں غلط نہیں تو ۔۔۔شائد میں پہلی ہوں جس سے آپ بات کر رہیں ہیں ۔۔۔۔ایک بار پھر سے خاموشی چھا گئی تھی ۔۔۔۔۔۔۔بیٹھ جاو ۔۔۔۔اسکے ہاتھ ایکدم رکے اسے حیرت ہوئی تھی ۔۔ بند آنکھوں سے کیسے پتہ چل گیا انہیں کہ میں ٹانگیں دباء رہی ہوں ۔۔۔ وہ وہیں آگ کے پاس بیٹھنے لگتی ہے تبھی۔۔۔۔یہاں کرسی پہ بیٹھ جاو ۔۔۔ انہیں بند آنکھوں سےسب کیسے پتہ چل جاتا ہے وہ بس اتنا ہی سوچ پائی تھی۔۔۔کرسی کی طرف قدم بڑھاتے ہوئے اسے یاد آیا کہ یہ کرسی کس قدر گرد آلود تھی ۔۔مگر اس وقت وہ یہ آفر ٹھرانا نہیں چاہتی تھی ۔۔۔۔تو مطلب انہیں پہلے سے پتہ تھا کہ میں یہاں آنے والی ہوں۔۔۔اس کا اندازہ اسے بیٹھتے ہی ہو گیا تھا ۔۔۔ جو گرد کے ڈھیر اس نے دو دن پہلے دیکھے تھے ۔۔۔ اب ان کا نام تک نہیں تھا ۔۔۔مگر کیسے ۔۔۔۔ اب یہ ایک اور سوال تھا ۔۔۔۔۔ جس کا جواب اور بھی بہت سے سوالوں کیطرح اسے ڈھونڈنا تھا۔۔۔۔۔۔۔۔۔
71
